Усик кажа со кого ќе се влезе во рингот: Човекот е многу познат и опасен

Откако направи историја и ги обедини сите титули во тешка категорија, Александер Усик (38) го откри името на боксерот со кого сака да се бори пред да ја заврши својата легендарна кариера. Иако веќе ги победи Ентони Џошуа и Тајсон Фјури, Украинецот сака да влезе во рингот со уште еден великан од оваа ера: Деонтеј Вајлдер (40), пишува „Bloody Elbow“.

Кога Усик влезе во тешка категорија, во 2019 година, три имиња доминираа на врвот. Ентони Џошуа, и покрај краткиот пораз против Енди Руиз Џуниор, ги држеше повеќето од појасите. Усик му ги одзеде во третата борба во дивизијата и ја потврди победата во реванш. Потоа го победи Тајсон Фјури во историски меч за да стане апсолутен шампион, оставајќи само уште една икона на својата листа.

Последна шанса за Бронзениот бомбардер

Кон крајот на 2010 година, Деонтеј Вајлдер се сметаше за најсилниот ударач и најопасниот тешкаш во светот. Со резултат од 40 победи без порази и 39 нокаути, Американецот беше на работ да го победи Тајсон Фјури, но Британецот чудесно се опорави и успеа да не загуби, поточно нивната борба заврши без победник.

Од таа прва борба, во која неговите слабости беа првпат разоткриени, кариерата на Вајлдер тргна надолу. Фјури го победи убедливо во следните два натпревари, а по победата со нокаут над Роберт Хелениус, тој претрпе уште два последователни порази. Прво, беше надбоксиран на поени од Џозеф Паркер, а потоа беше нокаутиран во пет рунди од Жилеи Жанг.

И покрај сè, Усик сака на Бронзениот бомбардер да му даде уште една, последна шанса да се бори на највисоко ниво. „Сакам да се борам со Деонтеј Вајлдер. Тоа би било интересно. Човекот беше светски шампион, тој е многу познат и силен. Тој е еден од најголемите тешкаши во последните десет години“, рече Усик, кој има резултат од 24 победи (15 со нокаут) и ниеден порази.