Општина Центар ја урнала нелегалната доградба на ресторанот „Мечка“, која подолго време ги блокирала тротоарот и дел од коловозот во Дебар Маало.
Од Општината информираат дека по повеќе опомени и непостапување, инспекциските служби и механизацијата излегле на терен и ја отстраниле бесправно поставената конструкција што ги попречувала нормалното движење на пешаците и сообраќајот.
– Нема да дозволиме узурпирање јавен простор поради приватни интереси. За секој објект каде што ќе утврдиме нерегуларности, ќе издадеме решение за негово отстранување – изјави градоначалникот на Општина Центар, Горан Герасимовски.
Тој додаде дека е во тек обемна и континуирана акција за воспоставување ред на јавните површини, со засилени инспекциски контроли и активности за расчистување на нелегално поставените објекти.
– Целта е да се заштити јавниот интерес, како дел од пошироката стратегија за воспоставување ред во Општината – информира Герасимовски.
Жителите на Дебар Маало ја поздравија акцијата.
ИЗДВОЕНИ
Мицкоски со нов рок: Имињата на новите министри в понеделник, Вреди нема да има министер плус
Предупредување за поплави! УХМР издаде „жолто ниво“ за опасност
Македонските возачки дозволи во Словенија ќе можат да се заменат без полагање на практичен испит
Ексфункционери го „жнееле“ буџетот – државата оштетена за 780.000 евра
