Повеќе од 750 станбени згради беа уништени во ураганот „Мелиса“ во Доминиканската Република, објави телевизијата CBS.
Речиси 3.800 луѓе ги загубија своите домови. Претходно беше објавено дека најмалку 1,27 милиони жители на Доминиканската Република повеќе немаат пристап до вода за пиење како резултат на оштетување на водоводната мрежа.
Националниот центар за урагани на САД претходно објави дека ураганот „Мелиса“ се засилил до бура од категорија 5, пренесува Срна.
Ураганот се движи кон запад со брзина од шест километри на час, носејќи ветрови кои моментално достигнуваат 72,2 метри во секунда. Бурата моментално се движи кон Јамајка, каде што се стравува дека ќе предизвика „катастрофални поплави“.
