Вчеравечер била уништена опремата во новата, сѐ уште незавршена фитнес-зона во Паркот на франкофонијата. Исто така, била причинета штета и на фудбалското игралиште што се наоѓа во рамките на овој парк.
– Просторот за рекреација, изграден по барање на жителите, преку средбите во заедницата, е оштетен. Иако сѐ уште не е завршена, вежбалницата веќе е цел на вандализам. Непознати сторители, во текот на ноќта, се обиделе да запалат дел од реквизитите, а вреќата за бокс е исечена со остар предмет и е целосно уништена – известија од Општина Центар.
Градоначалникот Горан Герасимовски, во врска со инцидентот, изјави дека ова не е прв случај на вандализам и оти наместо простор за рекреација, некој избрал деструкција.
Тој апелираше до сите граѓани да ги чуваат јавниот простор и заедничките содржини создадени за спорт, рекреација и за дружење.
Од Општина Центар известија дека бил пријавен случајот во Министерството за внатрешни работи.
Новата фитнес-зона се состои од 17 справи, а во наредните денови треба да биде поставена специјална тревна подлога за поголема сигурност при користење.
ИЗДВОЕНИ
Тетовскиот грав се продава по 500 денари за килограм, ќе правиме гравче тавче со египетски
Брзите пруги од Табановце и од Солун ќе се спојат кај Гевгелија до 2032 година
НЕПРОМЕНЕТИОТ ИЗБОРЕН ЗАКОНИК НАПРАВИ ПРОБЛЕМ: ЗНАМ и Левица без право да водат кампања преку медиумите
Ќе добие ли Македонија црвени линии кои нема да се газат?!
