Можности за унапредување на бизнис-климата и создавање услови за нови инвестиции, била темата на денешната конструктивна средба на градоначалникот на Општина Кисела Вода, Орце Ѓорѓиевски, со претседателот на Стопанската комора на Северо-Западна Македонија, Нухиу Алиу.
Од Општина Кисела Вода информираат дека двајцата соговорници ја потенцирале важноста на институционалната поддршка за стопанството, како и заедничките заложби за создавање поволна средина за развој на претпријатијата. Било истакнато дека добрата соработка помеѓу општината и бизнис-заедницата е клучен предуслов за економски раст, отворање нови работни места и задржување на младите во земјата.
-Како локална самоуправа, имаме јасна цел, да обезбедиме стабилна институционална поддршка за стопанството. Соработката со Стопанската комора на Северо-Западна Македонија, може да овозможи побрзо да ги препознаеме потребите на бизнисите, да ја намалиме административната бариера и да креираме политики кои ќе резултираат со нови инвестиции и економски развој. Верувам дека заедно можеме да направиме значителен исчекор во создавање современа и конкурентна деловна средина – изјави Ѓорѓиевски по средбата.
ИЗДВОЕНИ
Малку бели зборови, многу црн политички говор – каква кампања ќе гледаме?: „Измеќари, предавници, овчари, бугаризатори…“ е далеку од позитивна реторика!
Граѓаните долгорочно плаќаат висока цена, храната им ги празни паричниците
Првата програмерка АДА „замолче“, никој не ја одржува во живот
Четири лица од кои две малолетни се приведени за престрелката во Тетово
