Украинската служба за безбедност (СБУ) спроведе голема тајна операција наречена „Пајажина“ во која со беспилотни летала нападна четири клучни руски воени воздушни бази: Белаја, Џагилево, Олења и Иваново. Целта беа стратешките бомбардери кои секојдневно се користат во нападите врз Украина.
„Ова е пресвртница. Нашите беспилотни летала сега можат да стигнат длабоко зад непријателските линии, од каде што полетуваат авионите кои фрлаат бомби врз нашите градови.
"War has broken out in Olenegorsk," Russians complain about the attack on Olenya airfield.
It is reported that FPV drones were launched from trucks in several regions of Russia.
"The truck is parked at a gas station in Olenegorsk. The driver arrived, he's running around, drones… https://t.co/109W8ifX7U pic.twitter.com/EcR6GH16rk
— Anton Gerashchenko (@Gerashchenko_en) June 1, 2025
Како Украинците извршија таков напад?
Операцијата се подготвувала една и пол година. Тоа е една од најамбициозните операции со беспилотни летала на SBU досега. На снимката, која извори од SBU ја доставиле до Киев пост, наводно се гледаат беспилотни летала како удираат авиони на пистите. Автентичноста на снимката не е потврдена. Руските канали на Телеграм тврдат дека беспилотните летала FPV кои нападнале цели во регионите Иркутск и Мурманск биле лансирани од камиони паркирани покрај автопатиштата.
👀🚘 Trucks from which Ukrainian FPV drones were launched against Russian airbases.
💥 After the final FPV drone launch, a self-destruct mechanism activated. pic.twitter.com/hZLMMbVxR2
— MAKS 25 🇺🇦👀 (@Maks_NAFO_FELLA) June 1, 2025
Гувернерот на Иркутската област Игор Кобзев преку Телеграм потврди дека беспилотни летала погодиле воена единица во селото Средњи – што е првпат Сибир директно да биде нападнат со дронови.
Според руските канали на Телеграм, Маш и База, нападите биле извршени од камиони паркирани на бензинските пумпи. Еден од нападите е снимен во градот Олењегорск во областа Мурманск. Видео кое кружи на социјалните мрежи покажува дронови како летаат од камион на бензинска пумпа.
Според истите извори, слична ситуација имало и во градот Усоље-Сибирское во регионот Иркутск. Таму, рекоа, најмалку 20 беспилотни летала биле лансирани на неодредени цели.
Според руските медиуми, изутрината на бензинска пумпа застанал камион кој превезувал дронови, по што беспилотните летала извршиле напад. Уапсен е камионџијата во Олењегорск, кој наводно не знаел што превезува.
