Руските сили влегоа во селата Запорожје и Новохерхијивка во регионот Дњепропетровск, потврди Виктор Трехубов, портпарол на оперативно-стратешката група Дњепро, за украинскиот медиум Хромадске. Ова е прв пат украинската војска да признае руска инвазија во регионот, додека Москва тврди дека напредува во него од јуни, објавува „Би-би-си“.
„Да, Русите влегоа и се обидуваат да ги консолидираат своите позиции. Нашите сили се борат да ги задржат своите позиции“, рече Трехубов.Генералштабот на вооружените сили на Украина нагласи дека овие населби не се окупирани. Според извештаите, украинските сили го запреле рускиот напредок во Запорожје и продолжуваат да го држат селото „и покрај сите напори на непријателот да го освои“.
🇷🇺🇺🇦#Russia‘s Defense Ministry claimed that its #Vostok group of forces captured the village of #Zaporizke (also referred to as #Zaporozhskoe) in #Ukraine‘s #Dnipropetrovsk region, marking a rare advance into this central industrial area. pic.twitter.com/y3kH33EE9P
— ShanghaiEye🚀official (@ShanghaiEye) August 26, 2025
Борбите продолжуваат во областа Новохерхијевка, каде што, според Генералштабот, украинската армија нанесува „значајни загуби на непријателот, уништувајќи десетици припадници на окупаторската армија секој ден“.
Украинскиот проект за мониторинг DeepState беше првиот што извести за рускиот напредок во овие населби. Трехубов рече дека ваквите најави „треба да се очекуваат најмалку еден или два дена“.
„Ситуацијата се менува многу брзо, а непријателот има лоша навика да реагира на скандалите во нашиот информативен простор со зголемување на притисокот“, објасни тој.
Аналитичарите истакнуваат дека руските сили се активни на „прилично голем“ дел од административната граница помеѓу регионите Донецк и Дњепропетровск, од областа Дачни до Темиривка, каде што постојано вршат притисок.
Според Хромадске, непријателот ретко користи возила, потпирајќи се главно на пешадиски напади поддржани од беспилотни летала и други средства, честопати користејќи тактики на „поставување знамиња“ за да демонстрира територијални придобивки.
