Украинците ја слават Меланија: „Агентка Трампенко“/ФОТО

Откако американскиот претседател Доналд Трамп вчера објави дека го менува својот став кон Русија, Украинците ги преплавија социјалните мрежи со мемиња и пораки за поддршка – не за него, туку за неговата сопруга, Меланија Трамп. Многумина веруваат дека поранешната манекенка од Словенија е одговорна за ненадејната промена на реториката на Трамп кон Москва.

Како што објавува Index.hr, зборувајќи во Белата куќа за време на состанокот со генералниот секретар на НАТО, Марк Руте, Трамп рече дека неговата сопруга му ги отворила очите кон рускиот претседател Владимир Путин.

„Разговорот со Путин е секогаш многу пријатен. Велам, не беше ли тоа одличен разговор? А потоа вечерта – ракети“, рече Трамп. „Се враќам дома и ѝ велам на првата дама: „Денес разговарав со Владимир. Имавме одличен разговор.“ И таа вели: „Навистина? Уште еден град штотуку беше погоден.“

Trump: "I go home and tell the first Lady, I spoke to Vladimir (Putin) today and we had a wonderful conversation. She said: "Oh really? Another city was just hit…" pic.twitter.com/DXXwF8Vgm5

— 🪖MilitaryNewsUA🇺🇦 (@front_ukrainian) July 14, 2025

По изјавата на Трамп во Овалната соба, на социјалните мрежи се појавија стотици мемиња во кои се фали Меланија. Најпопуларната е прикажана како „агентка Меланија Трампенко“, со лице полузасенчено и голема шапка, наводно работејќи тајно од Белата куќа – во корист на Киев.

Agent Melania Trumpenko pic.twitter.com/rVzf6tJfvJ

— Kate from Kharkiv (@BohuslavskaKate) July 14, 2025