Русија го изведе својот најголем воздушен напад на украинска територија во текот на ноќта кон недела, лансирајќи 477 беспилотни летала и 60 ракети, изјави вчера официјален претставник во Киев.
Според украинските воздухопловни сили, од вкупниот број лансирани беспилотни летала и ракети, 249 биле соборени, додека 226 биле уништени, веројатно откако биле електронски блокирани.
Јуриј Ихнат, шефот на прес-службата на украинските воздухопловни сили, изјави за АП дека вечервашниот напад бил „најголемиот воздушен напад“ врз Украина кога се зема предвид бројот на беспилотни летала и неколку видови ракети. Нападот беше насочен кон различни области низ целата земја, вклучително и западна Украина, далеку од линиите на фронтот.
Полска и другите сојузнички земји ги кренаа авионите за да обезбедат безбедност на воздушниот простор, соопштија полските воздухопловни сили.
Новите напади следеа по изјавите на рускиот претседател Владимир Путин дека Москва е подготвена за нова рунда директни мировни преговори во Истанбул.
Сепак, нема знаци дека војната се смирува, а мировните напори предводени од САД досега не дадоа конечен резултат. Двете неодамнешни рунди преговори меѓу руските и украинските делегации во Истанбул не донесоа никаков напредок кон постигнување договор.
