Претседателот на Украина, Володимир Зеленски, им наложи на пратениците да подготват правна рамка за одржување избори во текот на воена состојба. Сепак, оваа иницијатива не значи подготовка за претстојното гласање, туку одговор на забелешката на американскиот претседател, Доналд Трамп, дека во Украина не се одржани избори долго време, објавија украинските медиуми.
Според извори од украинската Влада, целта на овој потег е да им се покаже на меѓународните партнери подготвеност за демократски процеси, и покрај руската агресија. Се нагласува дека одржувањето какви било избори е можно само доколку се создадат соодветни безбедносни услови. Ова подразбира значително намалување на нивото на непријателствата, односно прекин на руското гранатирање и на другите воени активности со цел заштита на гласачите и на изборниот процес.
Украина во моментов нема закони што дозволуваат избори во воено време, но украинскиот парламент, Врховната рада, изрази подготвеност да ги подготви сите потребни документи.
ИЗДВОЕНИ
Трезорот работи, буџетот е во одлична кондиција – ќе бидат исплатени платите и К-15
Барајќи за „ѓаволот“ ја пронашол „дупката“
Апелација ја зголеми казната за Васил Јованов на 13 години затвор
Судиите ја одбиле жалбата на Љупчо Пецов преку притворениот Фехми Стафа, нивните имиња изоставени во соопштението на Апелација
