Украина континуирано ја напаѓа Русија со дронови/ВИДЕО

Министерството за одбрана на Русија денеска соопшти дека изминатите три дена соборени се вкупно 756 украински дронови.

Украинската армија, откако рускиот претседател Владимир Путин одби примирје, од вечерта на 20 мај до утрово непрекинато ја напаѓаше Русија со беспилотни летала. Тоа е најдолг и најинтензивен украински напад со дронови врз Русија.

– Од 20 часот по московско време на 20 мај до осум часот наутро на 22 мај соборени се 485 дронови, од осум до 20 часот на 22 мај соборени сè уште 159, а од 20 часот на 22 мај до седум часот наутро на 23 мај соборени се дополнителни 112 беспилотни летала, се наведува во соопштението на руското МО.

Ukrainian drone attack has been ongoing for over 40 hours now!
Drones are constantly flying towards Moscow along with other cities deep inside Russia. pic.twitter.com/gqHgxpzREV

— 𝐍𝐞𝐰𝐬 𝐁𝐨𝐱 (@Newsboxpost) May 22, 2025

Украинската армија нападна 15 руски региони и окупираниот Крим.

Најголем број дронови се соборени над Орелска област (197), Курска област (185) и Московската област (109).

Chaos at Moscow airports after drone attacks. Flights are grounded at Vnukovo, Sheremetyevo, and Domodedovo. Russian sources report hundreds of stranded passengers — at least 13 departures delayed at Vnukovo and 11 at Domodedovo. Some travelers say they’ve been stuck since last… https://t.co/h2vwfsGQDn pic.twitter.com/WG7YjATSOM

— NOELREPORTS 🇪🇺 🇺🇦 (@NOELreports) May 22, 2025

Поради нападите привремено е суспендиран воздушниот сообраќај на аеродромите во Владимирска, Калушка, Кострома, Тамбовска, Јарославска, Ивановска и Самарска област и во Нижни Новгород, како и на московските аеродроми Внуково, Домодедово, Шереметјево и Жуковски. Стотици летови беа одложени, а голем број патници за полетување чекаа и цел ден.

Поради нападите беше ограничен пристапот до интернет во шест региони, Тула, Липецка, Воронеж, Владимир, Орел и Иваново.