Управата за јавни приходи (УЈП) соопшти дека ги суспендирала вработените инспектори опфатени во случајот поврзан со пожарот во дискотеката „Пулс“ во Кочани, откако во објавата на Истражувачката репортерска лабораторија (ИРЛ) беа изнесени сериозни наводи.
„Веднаш беше спроведена внатрешна проверка и донесено е решение за суспензија на лицата сè додека трае постапката за утврдување на фактичката состојба“, наведуваат од УЈП.
Од Управата посочуваат дека презентираните комуникации меѓу инспектори и даночен обврзник укажуваат на можност за оддавање даночна тајна, како и неовластено информирање за претстојни контроли и координација со други институции.
„Ваквото однесување е сериозно прекршување на Кодексот на однесување на вработените. УЈП останува посветена на законитост, транспарентност и професионализам и има нулта толеранција кон постапки што ги нарушуваат овие вредности“, нагласуваат од институцијата, додавајќи дека ќе продолжат да делуваат исклучиво во јавен интерес.
ИЗДВОЕНИ
КАМПАЊАТА ДОНЕСЕ НАДЕЖ ДЕКА ЌЕ СЕ РЕШИ ЈАВНИОТ ПРЕВОЗ, ЕДЕН ОД НАЈГОРЛИВИТЕ ПРОБЛЕМИ НА СКОПЈЕ: БРТ се враќа – надграден и продолжен!?
Тегла домашно подготвен ајвар се продава по 600 денари, ама вреди секој денар
Паѓа температурата – топли радијатори за скопјани уште од утре
НЕЗАВИСЕН КАНДИДАТ ЗА ГРАДОНАЧАЛНИК НА ГРАД СКОПЈЕ ПОДДРЖАН ОД ТМРО: Вардариште конечно ќе добие нова намена – таму ќе никне новиот Саем на град Скопје (2)
