УХМР со предупредување: Следува период на нестабилно време со пороен дожд и грмежи

Од УХМР предупредуваат дека во текот на утрешниот ден и во четврток времето ќе биде променливо облачно и нестабилно со локален пороен дожд и грмежи.

„Наместа процесите ќе бидат поинтензивни во форма на невреме со пообилен пороен дожд за кратко време, засилен ветер и услови за изолирана појава на град“, стои во објавата од УХМР.

Во Скопје исто така утре попладне ќе биде нестабилно со пороен дожд, грмежи и засилен ветер.