Училиштето „Свети Климент Охридски“ со нова енергетска фасада

Основното училиште „Свети Климент Охридски“ во Општина Бутел доби нова енергетска фасада, со површина од 3.000 квадратни метри.

– Ова е уште едно барање што го реализираме во заеднички разговор со родителите. Со ова, значително ќе се подобрат условите за настава и дополнително ќе се заштеди на енергија – истакна градоначалникот на Општина Бутел, Дарко Костовски.

Вредноста на овој проект е 11.000.000 денари.

Костовски потенцираше дека е променет ликот на ова училиште и со инвестирањето во нови игралишта, кабинети по информатика и во нов училиштен мебел.