Училиштето „Димитар Македонски“ ја доби првата сензорна соба

Основното училиште „Димитар Македонски“ во населбата Лисиче доби сензорна соба.

Од Општина Аеродром информираат дека оваа просторија е внимателно опремена и приспособена за дечињата на кои им е потребна дополнителна сензорна поддршка.

– Веќе постојат вакви соби во други основни училишта и детски градинки, а нивното значење е огромно: тие го отвораат патот кон еднакви можности за сите деца – нагласија од локалната самоуправа.