Шокантна вест го потресе Холивуд. Легендарниот режисер и актер Роб Рајнер и неговата сопруга Мишел беа пронајдени мртви во нивниот дом во Лос Анџелес, а нивниот син Ник е осомничен за нивното убиство. На трагедијата ѝ претходеше жестока расправија меѓу татко и син на божиќната забава на Конан О’Брајан, објавува TMZ.
Жестока расправија на божиќната забава
Само ноќта пред убиствата, во саботата, семејството Рајнер присуствуваше на забавата на познатиот водител. Според извори блиски до семејството, Роб и Ник влегле во „многу гласна расправија“ што ја слушнале бројни гости. Кратко по инцидентот, Роб и неговата сопруга Мишел ја напуштиле забавата, додека не е познато дали и Ник ја напуштил.
Родителите биле без сила
Семејни извори откриле дека Роб и Мишел се борат со проблемите на Ник во последните месеци. Мишел наводно им се доверила на пријателите дека таа и нејзиниот сопруг се без сила поради менталната болест на нивниот син и наводната злоупотреба на супстанции, и дека не знаат што друго да прават. Очајна, таа изјавила: „Пробавме сè“.
Апсење и обвиненија за убиство
Безживотните тела на Роб Рајнер и неговата сопруга беа пронајдени во неделата во нивниот дом во областа Лос Анџелес со пресечени грла. Ник Рајнер беше уапсен во понеделник наутро и обвинет за убиство на неговите родители, со кауција од 4 милиони долари.
ИЗДВОЕНИ
Започна празничната магија во Скопје: „Градот убав повторно блесна!/ФОТО
ВЛАСТА И ОПОЗИЦИЈАТА СО СВОИ АРГУМЕНТИ И РАЗЛИЧНИ ДОКУМЕНТИ: Резолуција и контрарезолуција во битка со мигрантите?
Трезорот работи, буџетот е во одлична кондиција – ќе бидат исплатени платите и К-15
Барајќи за „ѓаволот“ ја пронашол „дупката“
