Убиецот се преправил како доставувач на храна: Нови детали за убиството на украинскиот политичар

Украинскиот националистички политичар Андриј Парубиј беше убиен денес во Лавов, западна Украина, а видео од убиството се појави на социјалните мрежи.

Парубиј беше еден од главните актери на Евромајдан во 2014 година во Киев.

На видеото од убиството што се појави на социјалните мрежи, напаѓачот, преправен како доставувач на храна, му се приближува одзади и пука кон него.

Потрагата по убиецот е во тек
Според локалните медиуми, напаѓачот веднаш по пукањето избегал, а полицијата го опколила поширокото подрачје во потрага по осомничениот.

„Министерот за внатрешни работи, Игор Клименко, и генералниот обвинител Руслан Кравченко штотуку известија за првите познати околности на ужасното убиство во Лавов. Андриј Парубиј е убиен“, рече Зеленски во објава на платформата X, објави Ројтерс.

Зеленски додаде дека потрагата по убиецот е во тек.

Среде бел ден ликвидиран украинскиот експретседател на собранието: Камерите снимија сѐ, убиецот му се прикрал од зад грб/ВИДЕО