Уапсени татко и син – за долг од 80.000 денари зеле лихва од преку 700.000

На 06.11.2025 во 09:20 часот, во Кавадарци, полициски службеници од ОВР Кавадарци ги лишиле од слобода Н. С. (59) и неговиот син Р. С. ( 34) од Кавадарци, поради сомнение за сторено кривично дело „лихварство“ по член 260 од КЗ. Според пријавеното, во јуни 2023, 71-годишен маж од Неготино од нив позајмил околу 80.000 денари и се договориле да враќа по 20.000 денари неделно, но бидејќи не успеал да го врати земеното, постојано му пресметувале камата и му го зголемувале долгот. За целиот период, оштетениот му исплатил на Н. С. сума од преку 700.000 денари.

По издадена судска наредба, бил извршен претрес во домот на Н. С. и на Р. С., при што се пронајдени предмети за кои постои сомнение дека се поврзани со делото. Известен бил јавен обвинител и по целосно документирање на настанот, ќе биде поднесена соодветна пријава.