Поради постоење основи на сомнение дека сторил кривично дело против безбедноста во јавниот превоз, уапсен е возачот на трамвајот кој излета од шините претходниот ден во Сараево, при што загина едно лице, а тешко повреди уште четири други.
Возачот А.К. (1978) се наоѓа во полициските простории на Министерството за внатрешни работи на Сараевскиот кантон, соопштија од оваа институција, пренесува Радио Слободна Европа (RSE).
Во несреќата што се случи во четвртокот во Сараево, дваесет и двегодишен маж загина откако трамвајот излета од шините на трамвајската постојка во близина на Националниот музеј во Сараево. Уште четири лица се тешко повредени, од кои на една тинејџерка и е ампутирана ногата.
Поради излетувањето на трамвајот од шините срушена е и трамвајската станица.
Лидерот на Собранието и Владата на Кантонот Сараево изрази најдлабоко сочувство до семејството и роднините на лицето кое трагично го загуби животот во сообраќајна несреќа.
Сообраќаен експерт објасни што можело да го предизвика излетувањето на трамвајот во Сараево
