Полицијата во Лесковац го уапси Д. Д. (43) од Печењевац, осомничен за тешко убиство на неговата 36-годишна партнерка. Тој е осомничен дека ја убил на 2 ноември во семејната куќа, по што избегал. Му е одреден притвор до 48 часа и ќе биде приведен во Вишото јавно обвинителство во Лесковац со кривична пријава, пишува Telegraf.rs.
Злосторството што ја потресе Србија беше откриено кога полицијата го пронајде телото на Катарина Глигоријевиќ скриено во замрзнувач. Нејзиниот партнер, Далибор Демировиќ, веднаш беше осомничен за нејзиното убиство.
Во времето на бегството, Демировиќ наводно бил во домашен притвор со електронски мониторинг за друго кривично дело. Се претпоставува дека ја извадил алката и избегал со црвен автомобил, поради што полицијата започна обемна потрага во која беа вклучени и бројни локални жители.
Тој завршил во домашен притвор поради напад врз службено лице, односно полицаец, врз кого наводно фрлил ограда од терасата. Сепак, мештаните се сомневаат во таа верзија.
ИЗДВОЕНИ
Орце Ѓорѓиевски го доби уверението за градоначалник, вечерва во 20.30 часот започнува акцијата за чистење на Скопје
„Градиме подобри патишта за побезбедна иднина“ – Почна третиот македонски конгрес за патишта/ФОТО
Европратеничката Јовева: Не е фер Македонија да се става во ист кош со Србија и со БиХ
За појадок во Берлин, за ручек во Копенхаген! Европскиот брз воз пристигнува во 2040?
