Туристите во Амстердам трошат помалку пари: Претпочитаат прошетки покрај каналите наместо вечера во ресторан

Туристите во холандскиот град Амстердам трошат помалку пари, претпочитајќи прошетка покрај каналите или посета на музеј, пред вечера во ресторан.

Ова го покажуваат податоците од Кралското холандско здружение на хотелиери и угостители. Туристите сè повеќе ги проверуваат цените на разните услуги и прават селективни избори, бидејќи престојот во Амстердам стана поскап поради зголемувањето на туристичките даноци и инфлацијата, пренесува NL Times.

Прошетката покрај каналите е најпопуларната активност кај туристите во овој град, додека трошоците како што се тури со брод, оброци во ресторани и посети на музеи сè повеќе се прескокнуваат.

Последиците од овој тренд ги погодуваат малите бизниси, трговците на мало и бизнисите како што се пекарите и месарите, пишува NL Times.

Рамон ван дер Сторм, претседател на здружението на оператори на крстосувачки бродови, рече дека нивните трошоци се зголемиле и туристите трошат помалку. Во исто време, хотелите исто така бележат пад на бројот на гости од САД поради пониската вредност на доларот и глобалните тензии. Роберт-Јан Волтеринг, директор на Hotel De l’Europe, ја опиша ситуацијата како привремена, надевајќи се на закрепнување на туризмот. „Амстердам е толку прекрасен град што неговата иднина е секогаш сигурна“, заклучи тој.