Цените во земјоделството за една година се намалиле за 1,6 %, но нивните трошоци се зголемиле за 3,3 %, покажуваат податоците на Државниот завод за статистика.
Според нив, во делот на трошоците – инпут, во септември 2025 година, во споредба со септември 2024 година, има зголемување на цените на тековно потрошените средства во земјоделството за 3 % и зголемување на цените кај средствата наменети за инвестиции во земјоделството, за 6,7 %.
Најголем раст кај трошоците имаат цените на ветеринарните услуги, кои за една година пораснале за 32,6 %, добиточната храна поскапела за 7,8 %, а средствата за заштита на растенијата – за 4,3%.
На земјоделците им поскапеле и машините и опремата за 9,8 %, како и транспортната опрема за 5,8 % и одржувањето на објектите за 8,9 %.
Но, и покрај зголемените трошоци во изминатата година, сметајќи од септември, земјоделците ги намалиле цените на своите крајни производи, и тоа за 3,9 % кај растителното производство и за 5,5 % кај добиточното производство.
Цените на зеленчукот во септември, споредено со септември 2024 година, се намалени за 18,9 %.
Највисок раст на цените, пак, е постигнат кај добитокот за колење – од 13,9 % и кај цените на индустриските растенија, од 12,6%
ИЗДВОЕНИ
Во Прилеп се лишени од слобода две лица поради „поткуп при избори и гласање“
Локални избори 2025: До 13:00 часот излезноста е 20,12 отсто, во Скопје е 20,07 отсто, соопшти ДИК
ЈО: До овој момент, локалните избори течат генерално мирно и без поголеми нарушувања на изборниот процес
МВР: Регистрирани се 20 пријави за нарушување на изборниот молк од кои 15 не се потврдени – најмногу на подрачјето на Скопје
