Тропски рај по балкански цени: Еве каде кафето е 1 евро, а виното 2!

Она што привлекува многу туристи во Португалија е благата клима во текот на годината – заедничка карактеристика што ја дели со Калифорнија.

Климата е релативно слична, но Португалија има повеќе сончеви часови годишно од Калифорнија, а зимите се нешто поблаги. Како и Калифорнија, Португалија е дом на прекрасни планински масиви и други природни убавини кои се карактеристични за медитеранскиот регион.

Градовите како Лисабон и Порто делуваат како европски пандани на калифорниските метрополи. И двата града имаат различно население, богати урбани култури и жив ноќен живот – што ги прави космополитски центри слични на оние во Калифорнија.

Лисабон е особено динамичен град кој ги комбинира традиционалниот шарм и современиот западен животен стил. Исто така, Португалија нуди бројни пространи плажи кои привлекуваат сурфери од целиот свет.

Алгарве многумина го нарекуваат европска Калифорнија

Може да се добие впечаток дека Јужна Калифорнија и Алгарве се „направени од ист материјал“. Алгарве, кој се наоѓа на југот на Португалија, има многу заедничко со јужна Калифорнија, особено кога станува збор за прекрасните, пространи крајбрежја.

Многумина сметаат дека Алгарве има уште поубаво крајбрежје, иако Калифорнија импресионира и со своите плажи. Двете дестинации се познати по одличните услови за сурфање и привлекуваат некои од најдобрите сурфери во светот. За нивната привлечност придонесуваат топлата и пријатна клима, благиот морски ветар и волшебните плажи.

Доколку сето погоре не е доволно, треба да се спомене дека Лисабон има свој мост – висечки мост со црвена боја над реката Тагус, кој неодоливо потсетува на познатата Голден Гејт во Сан Франциско. Иако не се идентични, сличноста е доволно впечатлива за да поттикне споредба.

Иако имаат многу сличности, Калифорнија и Португалија драстично се разликуваат кога се во прашање трошоците за живот. Една од главните причини зошто многу луѓе одлучуваат да се преселат во Португалија е попристапниот начин на живот.

За оние кои се навикнати на американските цени, живеењето во Португалија може да изгледа исклучително прифатливо. Она што изненадува е што пониските цени не значат понизок квалитет на живот.

Според статистичките податоци, Лисабон е дури 28% поевтин од просечната локација во Калифорнија – индексот на трошоците на животот е 51,23 за Лисабон и 79,71 за Калифорнија. Цените на киријата и храната се за 86,7% и 92% повисоки во Калифорнија отколку во Лисабон.

Квалитетот на животот не зависи само од времето и добрата храна. Безбедноста, образованието, здравствената заштита и менталната благосостојба се клучни фактори.

И Португалија и Калифорнија нудат добри услови за живеење – развиени здравствени и образовни системи, паркови и рекреативни објекти, како и пријатна клима.

Ова е една од омилените дестинации за одмор на Британците и неодамна беше прогласена за една од најевтините туристички области. Како што објави британскиот весник Мирор, извештајот на британската Поштенска служба за 2024 година покажа дека цените на оброците и другите туристички активности паднале во повеќе од 60 отсто од одморалиштата и градовите што ги истражувале.

Регионот Алгарве во Португалија е рангиран како најевтин меѓу 15-те истржени европски дестинации, пред Турција и Бугарија. Извештајот покажа дека од сите истражувани дестинации, најевтино кафе имало Алгарве од 1,05 евра и вино од 2,10 евра, пишува српски Курир.