Трофејот за Никси, богата премија за кошаркарите

Екипата на Њујорк Никс се израдува на трофеј по пауза од 52 години. Тие го освоија НБА Купот, откако во финалето ги победија Сан Антонио со 124:113.

Херои на победата беа ОГ Ануноби со 28 и Џејлен Брансон со 25 поени.

Ова е првата титула на Никси во Купот и прв трофеј од 1973 година, кога беа по втор и последен пат шампиони на НБА.

Спарс водеа во поголемиот дел од натпреварот, но Никси го покажаа својот победнички карактер во последната четвртина. Клучна беше серијата од 13:1 што започна на крајот од третата четвртина, која му даде на Њујорк водство од 100:95 и не го испушти до крајот на натпреварот.

Покрај трофејот, победата им донесе и парични награди на играчите. Секој коашркар заработи по 530.000 долари.