Три лица загинаа во пожар во фабрика за бисквити во Грција: Се слушнала голема експлозија, има и исчезнати лица

Три жени загинаа, а уште две лица се водат за исчезнати во пожарот што избувна утрово околу 4 часот во фабрика за бисквити „Виоланда“ во градот Трикала, во централна Грција. Според пожарникарите на терен 13 лица биле во фабриката кога избувнал пожарот, а осум од нив успеале да излезат од фабриката.

Во моментот на пожарот, 13 лица биле во фабриката, а осум успеале безбедно да се евакуираат.  Спасувачките екипи и понатаму трагаат по уште две вработени кои се водат како исчезнати.

Πρώιμο να πούμε κάτι αλλά εδώ μπορεί να έχουμε το φαινόμενο έκρηξης λόγω αιωρούμενων σωματιδίων αλεύρων η ζάχαρης άχνης. Σπάνιο μεν, υπαρκτό δε. Αποτέλεσμα κακού εξαερισμού ενός χώρου που παράγει ή χρησιμοποιεί τέτοια υλικά. #Βιολαντα https://t.co/qto4BSefaw

— Second Class Citizen (@PolitisB) January 26, 2026

Пожарот избувнал во раните утрински часови, а причината сè уште не е утврдена. Локалните медиуми јавуваат дека непосредно пред избувнувањето на пожарот, се слушнала силна експлозија.

На местото на настанот беа испратени околу 40 пожарникари со 13 противпожарни возила, кои сè уште работат на гаснење на пожарот и потрага по исчезнатите.