Три хороскопски знаци се роддени за правење драма од секојдневиот живот – би го искомплицирале дури и наједноставното нешто

Постојат луѓе кои ќе завршат едноставни задачи во три чекори. А има и такви кои ќе ја претворат истата задача во проект достоен за презентација, табела и консултација со тројца пријатели и астролог. Во светот на зодијакот, некои знаци имаат уникатен талент за комплицирање дури и на најбаналните работи, како што се избор на пијалак во кафуле, организирање плакар или одење во пошта. Еве три знаци кои од секојдневието прават уметност на анализа, претерување и непотребна драма.

Близнаци

Близнаците се мајстори на комуникацијата, но и шампион во разгранување на проблемите. Кога Близнак ќе одлучи да направи кафе, не станува збор само за готвење, туку за дилемата дали прво да ја измие шолјата, да додаде млеко пред кафето, дали филтерот е добар и што ако во меѓувреме му стигне порака на телефонот? Сè се случува брзо, но воопшто не е линеарно.

Ако Близнак излезе да купи леб, постои реална шанса да заврши со торба полна со работи од три различни продавници, без леб и размислувајќи да започне мал бизнис за  безглутенски печива.

Вага

Вагата сака да донесе најдобра можна одлука – за себе, за вас, за поголемо добро. Но, таа благородна цел често резултира со парализа на анализата. Ако Вагата треба да избере филм за гледање, очекувајте половина час истражување, мерење на жанрови, расположенија, мислења од рецензии и консултации со некој што го гледал филмот пред шест месеци.

На крајот, можеби нема да гледаат ништо затоа што веќе е предоцна. Нивната потрага по совршено решение може да ја претвори дури и наједноставната ситуација во егзистенцијален предизвик.

Риби

Рибите се нежни, емпатични и исклучително интуитивни, но едноставноста честопати им бега како сапун под туш. Тие не можат само да испратат порака; тие треба прво да го почувствуваат моментот, да размислат како ќе реагира другата личност и, доколку е потребно, да напишат нацрт од пораката во белешки.

Ако станува збор за избор на боја на ѕидот, подгответе се за долго размислување за енергијата на просторот, симболиката на боите и можниот ефект врз расположението за време на промената на годишните времиња. Рибите не прават ништо „само така“, сè е поврзано, сè има значење, сè е процес.