Српскиот метеоролог Иван Ристиќ, во разговор за „Блиц“, најавува промена на три годишни времиња во текот на ноември. Според неговата временска прогноза, се очекува да се менуваат есенските и зимските услови по сегашниот дождлив и посвеж период.
„Се очекува почетокот на ноември да биде обележан со добро познатата црвена боја, максималната температура ќе биде околу 20 степени Целзиусови. Уживајте во прекрасното ноемвриско време што ни доаѓа по овие променливи и дождливи денови“, вели Ристиќ.
Според него, температурата во ноември ќе биде помеѓу 20 и 25 степени. Тој објасни дека првата декада од ноември ќе биде летно време, потоа есента ќе се појави во втората декада од месец ноември и конечно третиот дел ќе биде обележан со зима.
„Дојде до развој на исландскиот циклон, и тој е во комбинација со африканскиот и носи топол воздух од Африка и ги зголемува температурите веќе кон крајот на октомври и почетокот на ноември“, додаде тој.
Заладувањето се очекува кон крајот на ноември. Потоа е можно дури да падне и снег, и тоа во пониските области.
„Во втората декада од ноември, кога се враќа есента, температурите ќе паднат малку, околу 15 степени Целзиусови, сè додека во третата декада не дојде до заладување, потоа можеме да очекуваме снег во пониските области“, заклучи метеорологот Иван Ристиќ.
Српскиот метеоролог-аматер Марко Чубрило, исто така, издаде слична временска прогноза. Тој предвидува враќање на високите температури, некарактеристични за овој период од среда, 29 октомври.
