Лидерите на Обединетото Кралство, Франција и Германија, познати како групата Е3, издадоа заедничка изјава за актуелните воени напади и растечките тензии на Блискиот Исток, остро осудувајќи ги само „иранските ракетни напади“. Во заедничката изјава се наведува дека иранските напади се оценети како „неселективни и непропорционални“, со порака дека европските сили ќе преземат конкретни чекори за да ги заштитат сопствените национални интереси, но и безбедноста на своите сојузници во регионот.
Според изјавата, мерките што се разгледуваат би можеле да вклучуваат овозможување „неопходни и пропорционални одбранбени акции“, со цел неутрализирање на иранските ракети и беспилотни летала на нивните места за лансирање.
Лидери на Е3 нагласија дека ќе соработуваат тесно со Соединетите Американски Држави, како и со другите сојузници присутни на Блискиот Исток, во спроведувањето на овие активности.
Во исто време, британското Министерство за надворешни работи објави дека околу 94.000 граѓани на Велика Британија го регистрирале својот престој во земјите од Заливот преку владиниот Систем за регистрација на странски државјани.
Податоците дополнително ги истакнуваат загриженостите на европските лидери за безбедносната состојба во регионот, додека меѓународната заедница стравува од понатамошна ескалација на конфликтот и негово можно ширење надвор од Блискиот Исток.
ИЗДВОЕНИ
Во Ормутскиот теснец сè стои: Закотвени се стотици танкери, транспортот на 20% од светската нафта е во опасност
Сиљановска-Давкова по седницата на Советот за безбедност на Македонија: Состојбата е стабилна и нема опасност по безбедноста внатре и во регионот
Повеќе од 150 македонски државјани затечени во загрозените подрачја ги контактирале амбасадите во Тел Авив, Доха и Абу Даби околку можностите за евакуација
Образованието на продажба додека траат реформите: Матурска задача по нарачка, петка за 800 денари!
