Неколку минути по полноќ, тргна првиот товарен воз на компанијата „MAV Railtours“ на новата линија Будимпешта-Белград, потврди во објава на својот Фејсбук профил, Золт Хеѓи, генерален директор на Унгарските железници (MAV Group).
Со секојдневниот товарен сообраќај, ја тестираме реновираната железничка линија број 150 во реални услови, пред да се врати патничкиот сообраќај на неа, напиша Хеѓи.
Тој изјави дека сите мерења и тестови покажале дека железницата ги исполнува сите инфраструктурни и безбедносни барања за сообраќај на товарни возови.
Како што нагласи, реновирањето на пругата 150 е најголемата железничка инвестиција во Унгарија во последните години.
Побрзо со воз отколку со авион: Од Белград до Будимпешта наскоро за 2 часа и 45 минути
„Наместо старата, едноколосечна железница, која беше во лоша состојба, изградена е двоколосечна железница за брзина до 160 километри на час со најсовремени услови за патници“, рече Хеѓи.
Генералниот директор на MAV Group ги повика граѓаните да бидат внимателни и да ги почитуваат прописите при приближување кон железницата, бидејќи долго време немаше железнички сообраќај на тој пат, пренесува РТС.
