Министерството за финансии продолжува со редовна исплата и со реализација на доставените налози од буџетските корисници, кои ги доставуваа налозите до 15 декември 2025 година, согласно со насоките.
– Преку трезорот, во изминатите неколку дена се реализирани исплати за субвенции за зелена нафта, субвенции за овчарство, средства за коридорите 8 и 10 д, исплата на две транши кон Развојната банка за домашните компании, средства за примарна здравствена заштита и други тековни налози. Меѓу реализираните налози, исто така, во текот на изминатата недела се и средства за проекти за самовработување во рамки на Оперативниот план за вработување, како и средства за поврат на придонеси кон заштитни организации – велат од Министерството за финансии.
