На градскиот плоштад во Куманово се одржа третата изложба на олдтајмери во организација на Здружение „Олдтајмер витези”, во соработка со Фондација за култура и спорт, со поддршка на Општина Куманово.
Изложени беа 100 возила, а учесниците се од повеќе градови од Македонија, Србија, Хрватска и Република Српска – Босна и Херцеговина.
Исто така, по повод празникот „11 Октомври“, на атлетскиот полигон кај ОСТУ „Наце Буѓони” – Куманово, по 13. пат се одржа традиционалниот атлетски митинг.
Спортскиот настан е организиран од страна на Општински сојуз на спортови и Атлетскиот клуб – Куманово, со поддршка на Општина Куманово и на Атлетската федерација на Македонија.
– Манифестацијата имаше натпреварувачки карактер. Учествуваа околу 200 спортисти во две категории: програма за спортисти од 6 до 15 години и програма за младинци и сениори. На масовниот спортски настан присуствуваа градоначалникот на Општина Куманово, Максим Димитриевски, кој се обрати пред публиката и заедно со претседателката на Советот на Општината, Ивана Ѓорѓиевска, доделија дипломи, медали и пехари на најдобрите учесници – соопштија од Општина Куманово.
ИЗДВОЕНИ
Избори по изборите – од локални битки до централна арена?!
Непријавени работници, неиздавање фискални сметки, Македонија сè уште се бори со сива економија
Ќе се реновираат педесетина државни згради до ноември 2028 година – становите ќе добијат ознака за енергетска ефикасност
Деструктивното однесување на младите проблем и во Охрид
