Англискиот интернационалец, Трент Александар-Арнолд, и официјално беше претставен како нов играч на Реал (М).
За да ги осигураат неговите услуги, раководните лица на „кралскиот клуб“ мораа да му исплатат бонус од 13 милиони евра, а офанзивниот бек потпиша шестгодишен договор.
На презентацијата, Англичанецот ја изрази својата гордост што е член на толку голем клуб.
„Ова е остварување на сон, среќен сум и горд што сум тука. Навистина се радувам што ќе им ја покажам мојата игра на навивачите на Мадрид, но исто така сум свесен дека играњето за Реал Мадрид е голема одговорност.“
„Сакам да бидам шампион со Реал, да растам и да уживам со најдобрите играчи во светот“.
Потоа го спомена Ливерпул, а со изјавата дека е вистинско време да го напушти „Енфилд“, веројатно разочара многу навивачи на „црвените“ кои посакуваа тој момент никогаш да не дојде.
„Ливерпул ми даде можност да ги остварам сите мои соништа. Тоа беше вистинскиот момент за мене, бев таму 20 години, постигнав сè што сакав“, нагласи бекот.
Да се потсетиме дека Арнолд одигра 354 натпревари за Ливерпул на кои постигна 23 гола и додаде 92 асистенции.
Бидејќи шпанските прописи забрануваат одредени броеви, наместо 66, тој сега ќе го носи бројот 12 на дресот. Ќе пишува само „Трент“, а самиот играч објасни дека сака подобро да го разберат оние што зборуваат само шпански.
