Времето денеска ќе биде сончево и многу топло со мала до умерена облачност. Во попладневните и вечерните часови ќе има локален развој на нестабилна облачност со пороен дожд и грмежи, наместа во форма на краткотрајно невреме со засилен ветер и изолирана појава на град. Температурите ќе се движат од 12°C до 20°C во утринските часови, додека максималните дневни температури ќе достигнат од 30°C до 40°C низ земјата.
Во Скопје, сончево и многу топло, попладне со мала до умерена нестабилна облачност. Ќе дува слаб до умерен јужен ветер.
Понеделник ќе донесе слични услови – сончево и многу топло време со мала до умерена облачност. Минималните температури ќе се движат од 12°C до 22°C, додека максималните ќе достигнат од 33°C до 41°C. Ветерот ќе биде слаб до умерен, претежно од југозападен правец.
Вторник ќе продолжи со сончево и многу топло време. Температурите ќе бидат од 13°C до 22°C утрински, и од 32°C до 41°C дневни. Умерен до засилен ветер од југозападен правец.
Во среда се очекува промена во временската слика. Ќе биде променливо облачно и малку посвежо со умерен до засилен ветер од северен правец. Минималните температури ќе се движат од 11°C до 20°C, додека максималните ќе бидат од 29°C до 37°C. Претежно во северните делови на земјата има услови за локален дожд.
Граѓаните се советуваат да внимаваат на високите температури во првите три дена и да се заштитуваат од директно излагање на сонце во најтоплите делови од денот.
