Трејлерот за новиот филм за Франкенштајн е избезумува: Погледнете ги сцените што ја замрзнуваат крвта во вените/ВИДЕО

Светската премиера на „Франкенштајн“ од Гилермо дел Торо се одржа на овогодинешниот Венециски филмски фестивал со стоечки овации кои траеја цели 13 минути. Дел Торо одлучи да ја претстави класичната приказна од сосема нова перспектива.

Во неговата верзија, чудовиштето не е закана, туку чувствително суштество кое бара припадност и разбирање, додека вистинското чудовиште е всушност неговиот творец – Франкенштајн, кој го толкува Оскар Исак во филмот. Режисерот ветува филм кој ќе биде многу повеќе од хорор – многу лична и емотивна приказна која го истражува односот помеѓу татко и син, наведува 24sedam.

Дел Торо е познат по тоа што ги прикажува чудовиштата во своите филмови како сложени и честопати трагични ликови, а не како едноставни антагонисти.

Нетфликс објави застрашувачки трејлер, кој покажува дека нè очекува спектакуларна изведба.

Во едно од неодамнешните интервјуа, популарниот актер Џејкоб Елорди отворено зборуваше за искуството на трансформирање во чудовиштето на Франкенштајн и откри дека секој ден поминувал десет часа на столчето за шминкање, но исто така призна дека ова е улогата на неговата кариера досега:

„Од моментот кога се родив до сега, сè е околу тој лик. Чудовиштето во овој филм сум јас во неговата најчиста форма. Тој е повеќе јас отколку што сум јас самата“, рече Елорди.

Покрај Исак и Елорди, во филмот играат и Миа Гот и Кристоф Валц.

Филмот ќе пристигне во кината ширум светот на 17 октомври, додека на Нетфликс ќе биде достапен од 7 ноември.