Претседателот на Соединетите Американски Држави, Доналд Трамп, во саботата изјави дека е подготвен да воведе нови санкции против Русија, но под услов земјите од НАТО да престанат да купуваат руска нафта.
„Подготвен сум да преземам значителни санкции против Русија од моментот кога земјите од НАТО ќе одлучат да го сторат истото и кога сите земји од НАТО ќе престанат да купуваат нафта од Русија“, напиша Трамп на својата мрежа Truth Social.
Украинскиот претседател Володимир Зеленски претходно објави дека за време на телефонскиот разговор со европските лидери, собрани во Париз на почетокот на септември, Трамп изразил „големо незадоволство“ од купувањето руска нафта од страна на земјите од Европската Унија.
Европската Унија во петокот ги продолжи санкциите против Русија и подготвува 19-ти пакет економски санкции наменети, меѓу другото, за намалување на изворите на финансирање на Русија, особено насочени кон нејзината продажба на нафта.
ИЗДВОЕНИ
Ангелов: Пожарот во Трубарево е изгаснат, но има силно чадење
Тошковски: Жителите во близина на пожарот во Трубарево да ги напуштат своите домови
Доктор Чибишев: Отровните гасови при горење електронски отпад можат сериозно да го загрозат здравјето на луѓето
2.000 заштитни маски ќе им бидат распределени на жителите од Трубарево
