Американскиот претседател Доналд Трамп навести дека можеби ќе го поздрави соборувањето на владата во Техеран, неколку часа откако членовите на неговата администрација инсистираа дека неодамнешните напади врз Иран не биле наменети за „промена на режимот“.
„Не е политички коректно да се користи терминот „Промена на режимот“, но ако сегашниот ирански режим не е во можност повторно да го направи Иран голем, зошто да не го направиме тоа??? Да ја направиме Америка повторно голема!!!“, Трамп напиша на својата платформа „Truth Social“.
Коментарите дојдоа неколку часа откако водечките членови на неговата администрација – потпретседателот Џеј ди Венс, државниот секретар Марко Рубио и министерот за одбрана Пит Хегсет – посочија дека целта на американските воздушни напади врз иранските нуклеарни постројки на 21 јуни била да се постигне договорено решение, а не да се собори сегашната теократска влада предводена од исламисти.
На прес-конференција, Хегсет ги нарече нападите „прецизна операција“ насочена само кон нуклеарната програма на Иран, а не кон иранските трупи или иранскиот народ. „Оваа мисија не беше, и не е, за промена на режимот“, рече тој.
Трамп „бара мир, а Иран треба да оди по тој пат“, рече Хегсет, подоцна додавајќи: „Тука треба да се постигне преговарачко решение“.
ИЗДВОЕНИ
Во средината на глобалниот хаос, кои земји во светот сè уште се безбедни! Каде е Македонија?
Уставен суд за законските измени за независните кандидати кои го чекаат собранискиот кворум: Условот од 1 процент не е демократски
„Не се плашиме, смртта не е страшна, страшен е овој живот без нашите деца“
Низа прашалници за убиството на Вања и на Панче пред пресудата в среда
