Трамп зад решетки во Техеран: Инсталацијата со американскиот претседател предизвика сообраќаен метеж во Техеран/ФОТО/ВИДЕО

На еден од најпрометните плоштади во Техеран е поставена инсталација што го прикажува американскиот претседател Доналд Трамп зад затворски решетки. Оваа необична глетка привлече голем број луѓе, а многу минувачи застанаа за да фотографираат и снимаат актер кој го имитира претседателот, што предизвика дури и застој во сообраќајот.

Инсталацијата се наоѓа на плоштадот Таџриш, во северниот дел на иранската престолнина, и се состои од голема конструкција во која е сместена импровизирана затворска ќелија. Внатре се наоѓа актер со маска на американскиот претседател – облечен во темен костум со црвена вратоврска.

An Iranian performer in Tehran’s busy Tajrish Square has impersonated US President Donald Trump behind bars in an art installation featuring the slogan, “It is a crime not to see this scene.” pic.twitter.com/VhxU2WRRVI

— Al Jazeera English (@AJEnglish) October 21, 2026

Ќелијата е опремена со кревет и тоалет, додека изведувачот танцува, упатува заканувачки гестови кон минувачите и повремено се обидува да се провлече низ решетките.

Според извештајот на шпанската новинска агенција ЕФЕ, сцената предизвикала различни реакции. Додека некои минувачи се смееле, други извикувале навреди, а многумина се обидувале да го привлечат вниманието на актерот за да го снимат со своите телефони.

Donald Trump tras las rejas en Irán. En una de las plazas más transitadas de Teherán, un actor con una máscara del presidente estadounidense protagoniza una puesta en escena que ridiculiza al mandatario, encerrado en una celda.

Las imágenes se han vuelto virales en redes sociales.

— JP+ (@jpmasespanol) October 21, 2026

Една особено интересна реакција дошла од група студенти кои, од автобус во движење, му довикувале на „Трамп“ што поскоро повторно да го нападне Иран – надевајќи се дека тоа ќе доведе до откажување на нивните испити закажани за следниот ден. Друг минувач, пак, го повикал американскиот претседател повторно да ја воведе лотаријата за имигрантски визи, со што би им дал шанса на Иранците да се преселат во Соединетите Држави.

На инсталацијата стои слоганот: „Злосторство е да не се види оваа глетка“. Зад ќелијата има екран на кој се прикажани загинати деца и последиците од американските напади, вклучително и бомбардирањето на свадбена прослава во иранскиот град Сирик. Спомнат е и нападот врз училиштето во Минаб.

Amid ongoing geopolitical tensions, an installation featuring an actor portraying U.S. President Donald Trump in a mock prison cell was set up in Tajrish Square in Tehran, Iran. pic.twitter.com/8mB4GmYtfw

— Daily News 360 (@daily_news360) October 22, 2026

Според иранските медиуми, инсталацијата беше откриена во вторникот и се очекува да биде достапна за посетителите во текот на целиот ден. Сè уште не е познато кој е идеен творец на проектот, ниту кој го финансирал.

Нејзиното поставување се совпаѓа со новите обиди за дипломатско посредување меѓу Вашингтон и Техеран. Во меѓувреме, командантот на пакистанската армија, Асим Мунир, пристигна во иранската престолнина – во момент кога односите меѓу двете земји остануваат затегнати како последица на еден воен судир.

A live actor plays a jailed Donald Trump in a mock prison cell in Tehran’s Tajrish Square on Tuesday night, part of a state-backed campaign depicting the US president on trial, videos on social media showed. The installation carried the slogan “it is a crime not to see this… pic.twitter.com/QUZq5DczSM

— Iran International English (@IranIntl_En) October 21, 2026