Претседателот на САД, Доналд Трамп, стави вето на израелскиот план за обид за атентат врз иранскиот врховен лидер, ајатолахот Али Хамнеи.
Оваа информација ја објавува „АП“.
Израелците ја информираа администрацијата на Трамп дека планираат да го атентатираат Хамнеи. Откако беа информирани за планот, Белата куќа јасно им стави до знаење на израелските претставници дека Трамп е против таква идеја. Администрацијата на Трамп сака да спречи израелска воена операција насочена кон уништување на нуклеарната програма на Иран, со цел да се избегне поширок конфликт во регионот, и го сметаше планот за атентат врз Хамнеи како потег што би го разгорел конфликтот и потенцијално би го дестабилизирал целиот Блиски Исток.
Прашан денес за планот, израелскиот премиер Бенјамин Нетанјаху одби да коментира.
„Но, можам да ви кажам, мислам дека правиме она што треба да го направиме, ќе го направиме она што треба да го направиме. И мислам дека Соединетите Американски Држави знаат што е добро за Америка“, додаде Нетанјаху во изјава за американските медиуми.
