Американскиот претседател Доналд Трамп ја предупреди венецуелската потпретседателка и вршител на должноста претседател Делси Родригез да не им се спротивставува на САД.
„Ако таа не го стори она што е исправно, ќе плати многу висока цена, веројатно повеќе од Мадуро“, изјави вчера американскиот претседател за „Атлантик“ во телефонско интервју.
Трамп додаде дека Венецуела можеби не е последната земја во која САД би можеле да интервенираат.
„Апсолутно ни е потребен Гренланд“, рече тој, истакнувајќи дека островот е „опкружен со руски и кинески бродови“.
Инаку, венецуелскиот министер за одбрана Владимир Падрино Лопез изјави дека војската ѝ дала поддршка на потпретседателката Делси Родригез да дејствува како привремен претседател на Венецуела.
Тој повика на „итно враќање“ на соборениот претседател Николас Мадуро и неговата сопруга откако беа заробени од САД.
„Бараме враќање на Мадуро и првата дама. Ова е чин на агресија против легитимниот претседател на Венецуела и првата дама“, рече Лопез на прес-конференција.
„Бараме нејзино враќање и враќање на нашиот врховен командант, претседателот, и го привлекуваме вниманието кон сè што се случува во Венецуела против нејзиниот суверенитет“, истакна тој.
ИЗДВОЕНИ
Коледарчињата во Бадниковата поворка низ Скопје ја споделија радоста на празникот пеејќи „Вечниот Бог слезе, и во Дева се всели“/ФОТОГАЛЕРИЈА
Во пресрет на Божик: Традиционална прослава на Бадник пред Соборниот Храм во Скопје /ФОТОГАЛЕРИЈА
Купувањето стан станува „невозможна мисија“ за младите семејства
Од врата до врата со песна и надеж: Коледарчињата ја донесоа божиќната радост
