Американскиот претседател Доналд Трамп останува „подготвен“ да отпатува во Турција за да се сретне со украинскиот претседател Володимир Зеленски и рускиот претседател Владимир Путин, изјави денес портпаролката на Белата куќа, Керолин Ливит.
Американскиот претседател „веќе рече дека е подготвен да оди ако тоа се појави, но сака овие двајца лидери и двете страни да седнат на преговарачка маса“, изјави таа за новинарите.
Претходно, турскиот претседател Реџеп Таип Ердоган повторно предложи таков самит по состанокот на руската и украинската делегација во Истанбул.
