Претседателот на Соединетите Американски Држави, Доналд Трамп, објави снимка од екран, наводно од Википедија, на која пишува дека тој е вршител на должноста претседател на Венецуела.
Фотографијата е објавена на неговиот профил на Truth Social. Според снимката од екранот, Трамп „ја презеде функцијата“ во јануари 2026 година.
САД започнаа напад врз Каракас на 3 јануари, кога американските сили го уапсија венецуелскиот претседател Николас Мадуро и неговата сопруга Силија Флорес.
Тие се екстрадирани во Соединетите Американски Држави и се наоѓаат во притворен центар во Њујорк, каде што Мадуро се соочува со обвиненија за трговија со оружје и дрога.
