Американскиот претседател Доналд Трамп денес изрази надеж дека Вашингтон може да постигне договор со Техеран, откако врховниот лидер на Иран, ајатолахот Али Хамнеи, претходно предупреди дека евентуалната војна меѓу САД и Иран може да ескалира во регионален конфликт.
На прашањето како реагира на зборовите на Хамнеи, Трамп рече дека не е изненаден, пренесува „Ројтерс“.
– Секако дека ќе го каже тоа. Се надевам дека ќе постигнеме договор. Ако не го постигнеме тоа, ќе откриеме дали (ајатолахот) бил во право или не – рече Трамп.
Според него, САД имаат најмоќни воени бродови во близина на Иран. Претходно денес, за време на говорот во Техеран по повод годишнината од враќањето на имамот Хомеини во Иран и почетокот на десетдневната прослава на Фаџр, Хамнеи предупреди дека евентуалната војна меѓу САД и Иран може да ескалира во регионален конфликт.
Во обраќањето не е наведено дали Хамнеи конкретно се фокусирал на некој тековен инцидент, но неговата изјава дојде во време на зголемени тензии меѓу Иран и САД, како и во контекст на регионалните безбедносни предизвици, соопшти агенцијата.
ИЗДВОЕНИ
„Безбеден град“ тргна на патот кон помалку жртви и несреќи во сообраќајот
Мицкоски: Се надевам дека ЕУ ќе најде начин да нема билатерално вето за нашето членство
Административците ќе добијат 40 отсто зголемување, а другите плати остануваат на „листа на чекање“
Во вторник ќе се решава судбината на камионџиите од Западен Балкан
