Трамп: Путин, ќе ти пречи ли ако ѝ дадам неколку илјади Томахавки на Украина?/ВИДЕО

По синоќешниот телефонскиот разговор што траеше повеќе од два часа, Трамп најави претстојна средба со рускиот претседател во унгарската престолнина. Лидерите последен пат се сретнаа во Алјаска во август, но бидејќи тоа не донесе конкретен напредок кон мирот во Украина, следеше период на дипломатско затишје.

По вчерашниот разговор, Трамп им се обрати на новинарите во Белата куќа, велејќи дека веројатно ќе се сретне со Путин во следните две недели. Пред тоа, треба да се сретнат министрите за надворешни работи на САД и Русија – Марко Рубио и Сергеј Лавров.

Претседателот на САД, исто така, рече дека ќе го информира украинскиот претседател, кој треба да се сретне со него денеска, за неговиот разговор со Путин.

„Имаме проблем, овие двајца не се сложуваат баш најдобро“, рече Трамп, тврдејќи дека се неопходни одделни средби.

„Односот што го имаат е ужасен“, додаде тој.

Трамп признава дека верувал дека руската војна ќе биде полесна за справување поради неговиот „однос со претседателот Путин“, но исто така звучи порезервирано во врска со можноста за снабдување на Украина со ракети со долг дострел Томахавк.

„И во Соединетите Американски Држави ни требаат Томахавки – ги имаме многу, но ни требаат“, кажа тој.

„Не можеме да ги исцрпиме залихите за нашата земја… Не знам што можеме да направиме во врска со тоа“, додаде Трамп.

Тој исто така вели дека му рекол на Путин, со полушеговит тон: „Дали би ви пречело ако му дадам неколку илјади Томахавки на вашиот противник?“ Токму тоа го реков. Нему не му се допадна идејата. Понекогаш мора да бидете малку порелаксирани“, рекол Трамп.

Trump said he told Putin: “You wouldn’t mind if I gave a couple thousand Tomahawk missiles to your opposition?” — adding that the Russian leader didn’t like the idea. pic.twitter.com/hYainBXRW9

— KyivPost (@KyivPost) October 16, 2025