Американскиот претседател Доналд Трамп пристигна во Абу Даби, каде на аеродромот го пречека претседателот на Обединетите Арапски Емирати, Мохамед бин Зајед Ал Нахјан.
По пристигнувањето во Абу Даби, Трамп беше пречекан со раскошна церемонија – со звуци на тапани, традиционални песни, воена почесна гарда и знамиња на САД и ОАЕ, објави Си-Ен-Ен.
Мажите во зелени традиционални униформи носеа сабји, додека други, во бели костуми, држеа пушки. Жените во бели фустани изведоа традиционално оро.
Церемонијата се одржа во посебен воздушен тунел кој беше директно поврзан со претседателскиот авион, низ кој помина Трамп со поздрави од највисоките претставници на Емирати.
Трамп пристигна од Доха, откако претходно ги посети американските војници во воздухопловната база Ал-Удеид во Катар.
Тој беше придружуван на пистата од емирот на Катар, шеикот Тамим бин Хамад Ал Тани, а двајцата лидери кратко разговараа пред Трамп да се упати кон скалите на претседателскиот авион, придружуван од катарската воена почесна гарда.
Во Доха, неговата претседателска поворка беше придружувана од гардата на коњи и црвените возила „Сајбер камион“ на Тесла, додека во Ријад беше пречекан на кралскиот виолетов тепих.
По свечениот пречек во Абу Даби, Трамп се упати да ја посети Големата џамија Шеик Зајед, еден од најважните симболи на главниот град на ОАЕ.
