Трамп објасни како ќе изгледа контролата на Ормутскиот теснец – откри и кој ден точно ќе започнат мировните преговори со Иран

Претседателот на САД, Доналд Трамп, денес изјави дека САД би можеле да побараат „заедничко вложување“ со Иран за заштита на Ормутскиот теснец и дека мировните преговори ќе започнат во петок.

На прашањето на „Еј-би-си њуз“ дали би му дозволил на Техеран да им наплаќа на бродовите што минуваат низ теснецот, тој рече дека се разгледува можноста тоа да се направи како заедничко вложување.

„Тоа е начин да се обезбеди од многу други луѓе. Тоа е прекрасна работа“, рече Трамп.

Тој додаде дека нема да дозволи Иран да задржи никаков капацитет за збогатување ураниум, и покрај постојаните тврдења на Техеран дека нема да се откаже од својата слобода да го стори тоа.

„Нема да има збогатување“, рече Трамп, додавајќи дека нема да има повлекување на американските сили од регионот.

Тој нагласи дека мировните преговори ќе започнат во петок и ќе продолжат многу брзо, како и дека Кина одиграла клучна улога во односите со Иранците.