Американскиот претседател Доналд Трамп во вторник објави почетна „мала царина“ за увоз на фармацевтски производи што ќе се зголеми на 150% во рок од 18 месеци, а потоа на 250% во обид да се зголеми домашното производство на лекови.
„За една година, најмногу година и пол, ќе биде 150%, а потоа ќе се искачи на 250% затоа што сакаме фармацевтските производи да се произведуваат во нашата земја“, рече Трамп во интервју за CNBC.
Тој не го прецизираше почетниот износ на царината, но минатиот месец рече дека фармацевтските царини би можеле да достигнат и до 200%. Уште во февруари, тој објави секторски царини за фармацевтски производи и полупроводници што би започнале од „25% или повеќе“, со значително зголемување во текот на целата година.
Трамп, исто така, во вторник рече дека ќе објави царини за полупроводници и чипови „во следната недела или приближно толку“, но не даде дополнителни детали.
ИЗДВОЕНИ
ИНТЕРВЈУ СО ДЕБАРСКО-КИЧЕВСКИОТ МИТРОПОЛИТ ГЕОРГИЈ: Ќе се сретнам со викарниот епископ Партениј, Бог ќе ни помогне и ќе ни го покаже патот
Качен на хауба игра за видео на „Тикток“, не запира дивеењето по улиците
Петре М. Андреевски: „Вината никој не ја сака, иако таа, безмалку, е во секого!“
Уништените туристички мапи, лош впечаток за странците и доказ за нашата (не)култура
