Претседателот на САД, Доналд Трамп, денес во Мар-а-Лаго во Флорида, пред состанокот со украинскиот претседател Володимир Зеленски, изјави дека постои основа за договор што би бил добар за Украина и дека и Зеленски и рускиот претседател Владимир Путин сакаат да го постигнат.
Зборувајќи заедно со Зеленски пред неговиот дом во Мар-а-Лаго, Трамп рече дека верува оти Путин е „сериозен во врска со мирот“.
„Премногу луѓе загинаа и мислам дека двајцата претседатели сакаат да постигнат договор“, рече Трамп, објави „Скај њуз“.
Тој додаде дека ќе се постигне „силен“ договор за безбедност за Украина и дека „европските нации се многу вклучени“.
„Чувствувам дека европските нации беа навистина одлични и многу поддржувачки на овој состанок и за постигнувањето договор. Сите тие се одлични луѓе“, рече Трамп, пренесе „Танјуг“.
ИЗДВОЕНИ
Разговор со Марија Павлеска, основач на профилот „Мама (ми) чита“: Децата прифаќаат книги ако им се понудат на вистинскиот начин – читајте заедно!
Време е за подароци, но внимавајте какви играчки купувате – токсични кадифени кукли и балони, опасни „паметни“ играчки… сè уште стигнуваат до детските соби
Стапката на сиромаштија во Македонија во 2024 година изнесувала 21,9 проценти: Секој петти граѓанин едвај крпи крај со крај!
Инспекторите не најдоа загадување – „Усје“ и натаму под лупа
