Американскиот претседател Доналд Трамп изјави дека неговата сопруга, првата дама на САД, Меланија Трамп, приватно му нагласила дека континуираните напади на рускиот претседател Владимир Путин врз Украина се во спротивност со розовата слика што рускиот лидер често ја претставува во телефонските разговори со својот американски колега.
„Одам дома и ѝ велам на првата дама: „Знаете, денес разговарав со Владимир. Имавме прекрасен разговор.“ И таа вели: „О, навистина? Уште еден град беше погоден“, рече Трамп за време на состанокот со генералниот секретар на НАТО, Марк Руте, објави „Ју-Ес-Еј Тудеј“.
За време на разговорот во Овалната соба, Трамп двапати ги спомена коментарите што Меланија Трамп, која, според американскиот портал, се обидува да остане настрана, му ги упатила во приватни разговори за руските напади.
