Трамп ќе го тужи „Би-Би-Си“: Ме измамија!

Американскиот претседател Доналд Трамп изјави дека ќе покрене судска постапка против Би-Би-Си поради начинот на кој беше монтиран неговиот говор во емискијата „Панорама“, откако радиодифузерот се извини, но одби да му исплати отштета.

• Ќе ги тужиме за отштета помеѓу 1 милијарда долари [околу 860 милиони евра] и 5 милијарди долари, веројатно некаде следната недела, рече Трамп синоќа.

Во четврток, Би-Би-Си соопшти дека монтирањето на говорот на 6 јануари 2021 година ненамерно создало „лажен впечаток дека претседателот Трамп директно повикал на насилни дејствија“ и дека нема да биде повторно емитуван.

Радитузерот му се извини на претседателот, но рече дека нема да плати никаква финансиска отштета.

Би-Би-Си ја даде изјавата откако адвокатите на Трамп се заканија дека ќе го тужат радиодифузерот за отштета од 1 милијарда долари доколку не објави повлекување на програмата, извинување и отштета.

• Мислам дека морам да го направам тоа. Тие измамија. Ги сменија зборовите што излегоа од мојата уста, додаде Трамп.

Трамп не го покрена прашањето со Кир Стармер, но британскиот премиер рече дека побарал да разговара со него.

Претседателот на САД рече дека ќе му се јави на Стармер во текот на викендот.

Пребарувањето на базите на податоци за јавни судски евиденции потврди дека до петокот вечерта не се поднесени тужби во федералниот или државниот суд во Флорида.

Во посебно интервју во саботата снимено пред неговите коментари, Трамп рече дека има „обврска“ да ја тужи Би-Би-Си, додавајќи: „Ако не го направите тоа, не спречувате да им се случи на други луѓе“.

Тој ја нарече промената во емисијата „скандалозна“ и „полоша од работата со Камала“, осврнувајќи се на спорот што го имал со американскиот новински медиум Си-Би-Ес во врска со интервјуто во „60 минути“ со кандидатката за претседател на демократите во 2024 година, Камала Харис.

Во јули оваа година, американската медиумска компанија „Парамаунт Глобал“ се согласи да плати 16 милиони долари (13,7 милиони евра) за да реши правен спор околу интервјуто.