Американскиот претседател Доналд Трамп ги повика Евреите од Њујорк да гласаат против Зохран Мамдани, кандидатот на левичарските демократи, на изборите за градоначалник на градот.
„Секој Евреин кој гласа за Зохран Мамдани е глупав човек“, напиша американскиот претседател на својата платформа Truth Social, тврдејќи дека фаворитот „ги мрази Евреите“.
Зохран Мамдани (34) е силен поддржувач на палестинската кауза, а неговите ставови за Израел и војната во Појасот Газа му донесоа непријателство од делови од еврејската заедница.
Мамдани, во обид да ги смири, во последните месеци постојано зазема силен став против антисемитизмот.
Во Њујорк денес се одржуваат избори за градоначалник.
Главен противник на Мамдани е поранешниот гувернер на државата Њујорк, Ендру Куомо, поранешен демократ кој сега се пријави како независен кандидат.
Новоизбраниот градоначалник на Њујорк ќе ја преземе функцијата на 1 јануари 2026 година.
